Songteksten Aan ‘m!

Koeplet 1:
veer zeen òs gereigeld, v’r zin gaer biejein
dan deile veer same, leef en leid òngerein
ach, al òze foute, die num ver veur leef
omdat angesj van vrundsjap, neet väöl euverbleef
neij bie òs is dat noots ein probleem
zo blieve ver vrunj òngerein

Refrein:
veer numme òs zo wie ver zin
op die meneer blieve veer vrunj
ederein haet zien faelders, dao kom ver veur oet
ach al hilste ze veur dich, oats komme ze oet
òm veur altied amigo’s te zin
num‘ ver òs zo wie ver zin

lai lalalalai lalalai (kort)

Koeplet 2:
wat vrundsjap beteikent dat veul’ ver zo dek
en wat höb’ver ze neudig, die handj in de rögk
door òs hechte vrundsjap, kèn’ver òs door en door
d’r is altied begrip, en ’n loesterend oor
en hungk oots ’n probleem in de lòch
dan höb’ ver aan ein woord genòg!

Intro:
ja mer nae ……… is ‘t ‘m noe ……? of is ‘t ‘m neet ……??

Koeplet 1:
d’r leep ‘ne verkleide van de kroeg nao de frituur,
en ich dach… is ‘t ‘m noe of is ‘t ‘m neet ?
ich dach dao geit mien broor! zo wie dae leep en dat figuur,
toch dach ich is ‘t ‘m noe of is ‘t ‘m neet ?
ich wou nog sjus “heij sjmaale“ roope, mer ich heel mich in
ich dach nog sjus op tied -verrèk zègk- zou ‘t ‘m waal zin?
mer good auch jòng, ‘t sjaelde mer ’n haor,
want toen bleek dat ’t dae flabbes van hie taegeneuver waor

Refrein:
oooh ich kaom ‘t zo gaer aan de weit
is ‘t ‘m noe of is ‘t ‘m neet?
ze zin allemaol gesjmink en verkleid
is ‘t ‘m noe, of is ‘t ‘m neet?
ach wie gaw kan ’ne minsj zich neet vergisse
en dan dènkste isse’t, isse’t, isse’t, isse‘t ‘m noe?
wie dèk me’n ’t mèt vastelaovend zaet
is ‘t ‘m noe of is ‘t ‘m neet?

Koeplet 2:
de prins woort oetgeroope en ich zag taege mien vrouw
ja zegk mich is ‘t ‘m noe of is ‘t ‘m neet?
ich wis namelijk neet of ich de gooje veur mich haw
dus ich zag is ‘t ‘m noe of is ‘t ‘m neet ?
“Sjat, is dat dae van “dinges” neet, van naeve tante Net“
en ederein dae bie os sjtong, dae twiefelde toen met
mer de kastelein dae zag òs toen besjeit
nae dat is dae dae alzelaeve hie es lètste heivesj geit

Bridge:
is dit miene pils, is emes dae mich dat zaet?
is ‘t ‘m noe, of is ‘t ‘m neet?
ich zeuk de prins oet mien druime, op ’t witte paerd
is ‘t ‘m noe, of is ‘t ‘m neet?

Outro:
dus wao ’t om geit , wao zich alles om drejt
is ‘t ‘m noe, of is ‘t ‘m neet?

ich bèn ’n bietje mergel, ich bèn ’n bietje kriet
’n bietje brikkebekker oet lang vervlaoge tied
in mich zit Mosasaurus en auch doe höbs dat allich
es doe auch hie gebaore bès, dan zit dat auch in dich

ich bèn ’n bietje heuvels, ’n bietje Maasvallei
‘n sjtökske Pietersberg, en ’n sjtökske Mookerhei
al die kleine bietjes, zègke mich ederen daag
dat ich door al die ‘bietjes” Limburg in mich draag

Refrein:
doe bès mien land, ich höb dich leef
dat zal zo zin, zo lang ich laef
greutsj wie ’ne pauw blief ich trouw,
aan òzze leeuw en ’t gael wit blaw

ich bèn dae Bokkeriejer, dae zich deep in mich versjaol
in mich zit de historie, en meinig awt verhaol,
van Romeine tot de Franse, tot de allerletste mien
en dat maak mich de Limburger, jao dae wat ich noe bin

Bridge:
ich bèn de aerd woa op ich woon, de löss, ’t veen, de klei,
auch de Maas die in mich sjtruimp, ich bèn ’t zand, ich bèn de hei
mer ich bèn auch vastelaovend en ich bèn ‘t dörpskeffee
van kop tot teen de Limburger, dae met die zachte “g”

doe bès mien alles, miene trots, doe bes ’t land van mich
Limburg, dat ben ich

Koeplet 1:
Eesj reej ‘r door ‘t dörp op ‘n awt fitske,
rammelend sjpatbord, en mit aafgesjlete benj
doe heurdes ‘m van wiets al, en dan wiste
“ha dao kump Joep”, dat reep me dan van alle kenj.
Mer noe inèns laef ‘r in weelde en ‘t ganse dörp zaet
“Zou ‘t zin dat Joep misjien de laoterie gewònne haet?”
sjiek kostuum, mer geine minsj wèt wie ‘t zit
dus zo gaw es m’n ‘m zuut, dan reup me dit!

Refrein:
Heij Joep, haet ‘t gebrend?
vreug ederein noe in ‘t dörp dae ‘m kent
Hae sjtòng bie ederein bekènd es ermoodzejjer
noe veurt ‘r cabrio en haet ‘r sjieke kleier
meh omdat d’r nemes is dae wèt wie of dat kènt
Vreug ederein ‘m noe “Heij Joep, haet ‘t gebrend?”

Koeplet 2:
Geine wèt ‘t, toch wilt ederein ‘t weite
M’n blif mer sjpikkeleere wo d’r ‘t van deit
Zou dae op zölder soms? Nae dat zou Joep noats doon toch!
meh wie zit dat dàn? wae zaet òs ‘ns besjeid?
In ‘t keffeeke op de hook hie – nae doe gluifs ‘t neet, jao ech –
sjteit Joep en geuf ‘t eine nao ‘t anger rundje weg
nog ummer wèt gein minsj wie ‘r d’raan kump
en wie ‘t kan dat hae noe in de sente sjwömp

Outro:
ederein kènt waal zo emes, bie wae dan de vraog ontsjteit
wie ‘r d’r aan kump, en wao d’r ‘t van deit

Refrein:
ver höbbe weer zin d’rin
ver höbbe weer zin d’rin
moste ‘ns kieke jong wie sjoon ’t laeve zin kèn
ver höbbe weer zin d’rin
ver höbbe weer zin d’rin
hie is d’r geine bie dae zaet “ich hauw de pin d’rin!“

Koeplet 1:
ver duuke in de kleierkis de zölder is van òs
veer höbbe weer zin d’rin! veer höbbe weer zin d’rin !
doe mirks datste get breijer wurs mer dat nog alles pas
veer höbbe weer zin, weer zin d’rin !
dit is weer ’t moment, noe geit de knòp weer aeve òm
jao noe is ’t te doon, want veurse’t wèts is ‘t weer òm
wat kiek veer ummer oet nao deze tied!
noe nog ef’kes en dan is ’t weer zo wiet!

Koeplet 2:
dit is den tied van ’t jaor, noe laot’ver ’t loupe wie ’t löp
veer höbbe weer zin d’rin! veer höbbe weer zin d’rin!
wat höb ver ze gemis hie, al die sjoon geschminkde köp
veer höbbe weer zin, weer zin d’r in
dit is weer ’t moment, dao keeke veer zo lang nao oet
de lach dae is venaaf vendaag weer trök op eder sjnoet
en ederein hie wèt waal wie dat kèn
wie sjoon de waeg nao vastelaovend toch kan zin

Na laatste refrein herhaling:
mòste ‘ns kieke jòng wie sjoon ’t laeve zin kèn

veur degeen dae mich neet kent, ich help gaer op elk moment
zo gaw m’n mich get vreug, dan ben ich dao
jao ech ich hellep ederein, es d’r get is ich gaon metein
neij, ich denk dao auch noots ech lang euver nao
mer mien vrouw zaet ’t wurd tied datste oetsjeije geis
omdatste nog allein mer get bie angere deis
en ze haet geliek, nae hie mot ich vanaaf
want mien eige werk krieg ich neet meer aaf

Refrein:
‘ch höb mich weer väölste te väöl oppe pôkkel gepak
want “neij” zegke, dat ken ich neet!
ooh, ich bèn ummer de zak, haol mich te voal oppe nak,
’t is ummer ‘t zelfde leed
’t laeve kènt gein ènkel röstig moment
veur ‘ne minsj dae neet neij zègke kènt
‘ch höb mich weer väölste te väöl oppe pôkkel gepak
ich höb “jao“ gezag veur ich ’t weit

Chrissy: “miene wesjmesjien dae rammelt, deit ’t neet zo wie ’t mòt“
Bas: “ich kom dalik effe langs, ich ben zo dao”
Ronald: “kom dan auch effe bie òs want òze aafveur is versjtop”
Bas: “ja dat is good dan doon ich dat waal drek denao”
Bas: noe pas reepe mich de buure wie ’t raegende dees weak
Allen: “kènste effe komme, òze kaanjel dae laek!“
Bas: zo geit dat euveral es ich mich laot zeen
dat “jao“ zègke is mien probleem

Want ich höb ten langen leste gemerk dat ich mich daomit in de neste wirk
en noe is ‘t genog, veur èns en eine keer
vanaaf noe, ich doon ‘t neet meer. Neij! 3x

Refrein:
Hop gis mout en water, dat wurd get lekkers later
wae kènt zich om te drènke get lekkerders bedènke?
dat wiste de Germane al, en wat ederein beame zal
water wurd ’n fiaes, es ’t bie de brouwer is gewaes

Tussenstuk:
glaazer hoog, dan gaon de glaazer hoog
Jao dan gaon de glaazer hoog

Koeplet 1:
’t is god-wet-wie-lang geleje wie de eejste luuj dat deeje
Germane waore aan de geslaag op ‘ne sjoone zomer daag
zie waore get aon ’t kloote drejde gerst bènneste boete
met water hop en mout, woort ‘t eesjste beer gebrouwd

Koeplet 2:
toen kaome de Trappiste die van ‘t giste alles wiste
waore die met baeje klaor, keek me drek wie ‘t in de kaetel waor
die baejde en die baejde dat de hop toch good moch gruije
want dan woort ’t klip en klaor veur de ougs ’n heel good jaor

Tussenstuk:
ein prosit

Outro:
veer zegke veur deze drank, de Germane ooze dank

Wat zouw’ veer zin, zònger vastelaovend?
Wat is ‘n leedje zònger meziek?
en wat waor vandaag es veer neet zouwe dao zin
wat zin artieste zònger publiek

hiëlemaol niks! hiëlemaol niks!
hiëlemaol niks! hiëlemaol niks!
hiëlemaol niks! hiëlemaol niks!
mer dan auch hiëlemaol niks!

Wat is ‘ne clown zònger zien fratse
En wat is ’n frietje zònger mayonais
En de raod van 11 zònger hun patsje
Wat is ’t laeve zònger ‘n fiaes

Wat zou ’n pilske zònger de kraag zin
wat zin noe fans zònger idool
en wat zou mörge zònger vendaag zin
wat waor Andre Rieu nog, zònger viool

Koeplet 1:
‘t waor bekans april, oktober waar dus hawverwaeg
en Sjarel sjnapde niks d’r van, zien beusj waar ummer laeg
toen haet Merie ‘t opgebiech, dat zie ‘t waor gewaes,
die -es ‘r sjleip- de beusj laeg maakde veur ‘t grote fiaes
zie zag “leef jong allein op dees meneer,
sjtraole veer sjtrak in oktober van plezeer”

Refrein:
veer sjpaare veur ‘t oktoberfees
dao lègk’ ver gaer get veur opzie
want door te sjpaare veur dat sjoone fees
zin veer jeder jaor d’rbie
daoveur legk’ veer get sente weg
en de sjpaarpot, GRANDIOOS!
is in de kleierkas, de vottetesj,
van de lederhoos

Koeplet 2:
veer sjpaare weer de zegelkes wie oma haet gedaon,
veer kieke de reclames nao die in de beukskes sjtaon
de wesj doon ver op nachsjtroum, en gaon dekker met de fits
auch aete veer gereigeld weer ‘ns zelf gemaakde frit
wat ver euverhawte legke veer apaart
en zo wurd hie dus veur meinig “pöl“ (of Maß) gespaard

Outro:
en es ‘t zo wiet is, betaal ver “cash”
oet die vottetesj

Koeplet 1:
drie waeke veur de krismes veul ich gans op intuïtie
drek geit d’n telefoon, dat is al joare ‘n traditie
mien zuster woont allein, en sjienbaar höb ich oats gezag
es doe get mòs, dan bel mich mer, haw ich dat mer noats gezag!
want noe mòt ich ummer mèt es häöre krisboom mòt gekoch
Oooh dat ’t is ‘ne lijdenswaeg, veur dae is oetgezòch

Refrein:
Dae is te kromp, dae is te sjmaal dae ruuzelt noe al, dae is kaal
hae is te klein, te greun, te sjwaor of neet zo sjoon wie ’t vurrig jaor
hae is te groot, te broen, te breid neij alle buimkes douge neet
en dan zaet zie edesj keer “neij ver kieke nog ‘ns wiejer”

Koeplet 2:
verkuipers van die krisbuim waere gek es veer weer kòmme
de buimkes waere sjtök veur sjtök ônger de loep genòmme
tja is ‘r neet te langk, dan vungk zie toch de kruun te sjwak,
en is ‘r eindelijk good, pas ‘r neet in de kofferbak!
doe gluifs ’t neet, lets haw ze ‘ne sjoone boum gevònge
haet zie veur alle zekerheid “Sjtille Nach” d’rônger gezônge
dae waor akoestisch neet in orde, en toen haet ze’m truk gelag!

Koeplet 3:
Wo veer ’t good opkòmme wurd direk alarm gesjlaage
en meistal al get eerder, want ze kènne òze wage
mien zöster, ach mien zöster is nog ummer vriegezel
en ich zegk zo dèk “ach maedje toch, noe zeuk dich ‘ne kael“
wirklijk waor, jao eder jaor, wie dèk dat ich häör dat neet zègk,
dan zaet ze “jao ich ben te kritisch, geine eine is perfek” ….want

Laatste refrein (aangepast):
Dae is kromp, dae is te sjmaal, dae ruuzelt noe al of is kaal
hae is te klein, te greun, te sjwaor of neet meer wat ‘t vreuger waor
ze zin te groot, te langk, te breid, neij alle MANSLUUJ douge neit
en dan zaet ze edesj keer “veurluipig kiek ich nog ‘ns wier”

veer sjènke’n ‘m, veer drènke ‘n ’m
veer hawte van dat vòch
veer prooste’n en veer preuve ‘n‘m
de glaazer in de lòch!
van al wat òs d’n Herrgot goof
sjteit deze baovenaan!
òs limburgs pötje beer
dao kump òs geine aan!

eder jaor, taege november,
sjteit ’t LVK op ooze k’lender
begin december mot dat aaf,
en ver hawwe pas “alaaf, alaaf”
wie veer auch dachte en prakkezeerde
elke zin woar de verkeerde
auch al pakde veer get mekkeliks, d’r rijmpde niks!

toen kaom de vondst van de oavend
de zin “alaaf! de vasteloavend”
mer twee oer later -tot òs verdreet-
die tweede zin die wou mer neet
nog ‘ns ’t regelement gelaeze
want die vraog die waor geraeze
of ’t besjlis get nuujts moos zin, mer dat sjtong d’rin!

Refrein:
ja zo geit dat, ja zo geit dat, dae sjpas al waeke van te veur’
ja zo geit dat, zo ontsjteit dat, neij ’n leedje make, sjtelt niks veur

Bridge:
Toen dachte veer “misjien maak” veer get knaps
met de hullep van ’n flesjke sjnaps”

veer zin toen get orgineels goan make
euver “zènge en sjprènge” en dat saort zaake
auch hawwe veer get leuks gevônge
mit “beer en plezeer” – mer dan leuk gezônge
In gedachte al in de finale en ônger ôs gezag: “zônger rivale!”
mer erg lekker leep ’t leedje neet, tot ôs verdreet

toen koam ’t idee inens van: “zouwe…
…veer òs örges ’n leedje klauwe!”
ver twiefelde tössje “Sjeng aon de geng”,
“Oh Josefien” en “de Rammelesjang”
mer ver wiste neet of dat ging wirke, en of de jury dat neet zouw mirke
mer veer zeije eigelik al drek “die zin auch neet gek!”

wie bleek dat niks meer ônger de sjtop waas
omdat de Jägermeister op waas
toen woorte ôs ideeje helder
d’r moosj nog sjnaps sjtaon in de kelder
en met die nuuj flesj jonge klaore
meinde ver dat ver good ‘nt waere waore
mer neij, ver waore toen weer truk bie aaf, “alaaf alaaf!”

Mer omdat ’t sjteeds gezelliger woort
woort ummer meer geawwehoord
lökde ’t eesj nog veur geine maeter
noe ging ‘t geine centimaeter baeter
òs leedje veur ‘t LVK, kreeg de titel van je lalalalala
mer meinigein krig noe geliek, want ’t is lestiger dan dat ’t liek