veer zaote aan de eppel en ver zoate aan de paere
en ummer es dae Thei ôs zaog, dan woort dae Theike kaod
dan kaom ‘r op zien fitske en dan koosj ‘r guftig waere
veer maakde òs eweg euver de hègk of door d’n draod
van wiet aaf reep dan Thei
“maak uch eweg dao oet die wei!”

heij heij heij heij heij heij kom oet die wei!
heij heij heij heij heij heij kom oet die wei!
heij heij heij heij heij heij kom oet die wei!
heij heij heij heij heij heij kom oet die wei dao!
jao heij dao, kòm oet die wei dao,
ja heij dao, kòm oet die wei!

sjmiddes es de sjool oet waor dan trapde veer ’n belke,
de keesje en de proemeboum dat waor dan òze goal
dao ònger in die wei dao sjpeelde veer zo meinig sjpelke
die wei die waor van òs dao loag’ver ummer nao de sjool
mer kaom Thei op ziene fits, dan waor ’t tied,
want dan reep ‘r al van wiet

later gòng ver vrieje en zoa gaw ver effe koosjte
kroop ver door d’n draod en lagte veer òs in de wei
dao laog’ver dan te vrieje pès tot veer op heim aan moosjte
meistal op ’t moment van ’t versjiene van boer Thei
dan reep ‘r “maak uch eweg!
angesj geit ’t uch drek sjlech!”